Sur le nom de la Royne
Jean Dorat



Tourné par Jehan Dorat
Poëte du Roy.

Riche fuz de beaulté qu'en toy mict la nature
Quant entre mille fleurs ung roy ta fleur cuillit
Pour anter à son lis qui en toy reflorit
En plusieurs aultres lys ayantz ta portraicture.

Riche fuz de tous biens en jeune nourriture,
Plus riche fuz apres ayant eu ce bonheur
D'estre Royne de France, où en telle grandeur
Tu te voys aujourdhuy sur toute creature.

Mais la vertu en qui gist le seul vray thresor
Plus pretieux que n'est aulcun argent ny or
Te faict encor plus riche estant en toy empraincte.

Puis que tant tu es riche et l'estre plus encor
Tu ne peux si n'es saincte, il faut que tu sois or
Comme porte ton nom DE RICHE DEMY SAINCTE.


  
.
.
.
Partager

Commentez ce poème